Breaking News

ఎడ్యూకేషన్ లోన్ పొందటం ఎలా .,..? తక్కువ వడ్డీకే రుణమిచ్చే బ్యాంకుల వివరాలు ...!


కోవిడ్-19 ప్రభావంతో ఎక్కువగా ఎఫెక్టయింది విద్యార్థులే. మార్చికే లాక్ డౌన్ ప్రారంభమవడంతో పైచదువులకు వెళ్లేవాళ్ల మొదలు పోటీ పరీక్షలకు సన్నద్ధమయ్యేవారి వరకు ఇబ్బందులు ఎదుర్కొన్నారు. మరోవైపు ఏప్రిల్, మే మాసాల్లో జరగాల్సిన ముఖ్యమైన పరీక్షలు వాయిదా పడాల్సిన పరిస్థితి తలెత్తింది. ఇటీవలే లక్షల మంది విద్యార్ధులు జాయింట్ ఎంట్రన్స్ ఎక్జామ్(జేఈఈ), నేషనల్ ఎలిజిబిలిటీ టెస్ట్ (నీట్) పరీక్షలు రాశారు. అంతేకాకుండా విదేశాల్లో ఉన్నత చదువులు చదువుకునేవాళ్లకు కూడా ఈ సమయంలో తీరిక లేకుండా ఉన్నారు. ఇప్పుడు వీరిలో చాలా మంది విద్యా రుణం కోసం ఎదురుచూస్తున్నారు. ఉన్నత చదువుల కోసం పలు బ్యాంకులు తక్కువ వడ్డీ రేట్లకే విద్యా రుణాన్ని అందిస్తున్నాయి. ప్రైవేటు బ్యాంకులు, విదేశీ బ్యాంకులు వ్యాపారానికి, క్రెడిట్ కార్డులకు రుణాలను అందిస్తుంటే.. ప్రభుత్వ బ్యాంకులు విద్యార్థుల కోసం ఎడ్యూకేషన్ లోన్ భారాన్ని తమపై మోస్తున్నాయి. వివిధ రకాల ప్ఱభుత్వ బ్యాంకులు విభిన్నమైన వడ్డీరేట్లతో ఈ విద్యారుణాన్ని అందిస్తున్నాయి.

యూనియన్ బ్యాంకులో తక్కువ వడ్డీకే రుణం.. ప్రభుత్వ బ్యాంకుల్లో కీలకమైన యూనియన్ బ్యాంక్ ఆఫ్ ఇండియా అతి తక్కువ వడ్డీకే విద్యారుణాన్ని అందిస్తుంది. రూ.20 లక్షల రుణానికి 6.80 వడ్డీని 7 సంవత్సరాల కాలపరిమితిలో చెల్లించే అవకాశాన్ని కల్పించినట్ల బ్యాంక్ బజార్ నివేదిక స్పష్టం చేస్తుంది. అనంతరం సెంట్రల్ బ్యాంక్ ఆఫ్ ఇండియా, బ్యాంక్ ఆఫ్ ఇండియా తక్కువ వడ్డీకే రుణాలిచ్చే టాప్-10 బ్యాంకుల జాబితాలో చోటు దక్కించుకున్నాయి. ఈ రెండు బ్యాంకులు 6.85 శాతం వడ్డీని నిర్దేశించాయి. స్టేట్ బ్యాంక్ ఆఫ్ ఇండియా, పంజాబ్ నేషనల్ బ్యాంకు వడ్డీ రేటు కొద్ది ఎక్కువగా పెంచి 6.90 శాతానికి విద్యారుణాన్ని అందిస్తున్నాయి.

టాప్-10లో ఒక్క ప్రైవేటు బ్యాంకు కూడా లేదు..
అతి తక్కువ వడ్డీకే విద్యా రుణాన్ని అందించే టాప్-10 జాబితాలో ప్రైవేటు, విదేశీ బ్యాంకుల్లో ఒక్కటి కూడా లేకపోవడం గమనార్హం. వీటిలో విద్యా రుణాన్ని తక్కువ వడ్డీ రేటు(7.65)కే అందించే బ్యాంకుల్లో సౌత్ ఇండియన్ బ్యాంక్ 11వ స్థానంలో ఉంది. ప్రైవేటు సెక్టార్ బ్యాంకుల్లో ఇదొక్కటే తక్కువ వడ్డీ రేటుకు రుణాన్ని ఇస్తున్నాయి.

తక్కువ వడ్డీకే రుణాలిచ్చే బ్యాంకులు..
బ్యాంకులు వడ్డీ రేటు(ఏడాదికి) ఈఎంఐయూనియన్ బ్యాంకు 6.80 శాతం రూ.29,990
సెంట్రల్ బ్యాంకు 6.85 శాతం రూ.30,039
బ్యాంక్ ఆఫ్ ఇండియా 6.85 శాతం రూ.30,039
పంజాన్ నేషనల్ బ్యాంక్ 6.90 శాతం రూ.30,088
ఎస్బీఐ 6.90 శాతం రూ.30,088
బ్యాంక్ ఆఫ్ బరోడా 7.00 శాతం రూ.30,185
ఇండియన్ బ్యాంక్ 7.15 శాతం రూ.30,332
ఐఓబీ 7.25 శాతం రూ.30,430
యూసీఓ బ్యాంకు 7.30 శాతం రూ.30,480
ఐడీబీఐ బ్యాంకు 7.40 శాతం రూ.30,578