Breaking News

బీజేపీ నేత దగ్గుబాటి పురందేశ్వరికి కరోనా



బీజేపీ నేత దగ్గుబాటి పురందేశ్వరికి కరోనా సోకింది. కరోనా లక్షణాలతో బాధపడుతున్న పురందేశ్వరి చికిత్స నిమిత్తం హైదరాబాద్ ప్రైవేట్ ఆస్పత్రిలో చేరారు. రెండు రోజుల క్రితం BJP జాతీయ ప్రధాన కార్యదర్శిగా అధిష్టానం ఆమె పేరును ప్రకటించింది. దీంతోపెద్ద ఎత్తున నేతలు, కార్యకర్తలు పురంధరేశ్వరిని కలిసి శుభాకాంక్షలు తెలిపారు. ఆమెకు అనారోగ్యంగా ఉండడంతో పరీక్షలు చేయించుకున్నారు. ఇందులో కరోనా పాటిజివ్ అని నిర్థారణ అయ్యింది.

అయితే పురంధేశ్వరి హోం క్వారంటైన్ లో ఉండి చికిత్స తీసుకోవాలని భావించారు. కానీ జ్వరం, దగ్గు తీవ్రంగా ఉండటంతో హైదరాబాద్ లోని ఓ ప్రైవేట్ ఆస్పత్రిలో చేరారు. కరోనాకు చికిత్స తీసుకుంటున్నారు. ఆమె కుటుంబ సభ్యులు. ఆమెతో కాంటాక్ట్ అయినవారంతా ప్రస్తుతం కరోనా పరీక్షలు చేయించుకుంటున్నారు. వారికి రిజల్ట్ రావాల్సి ఉంది. మరోవైపు ఈ విషయం తెలిసిన వెంటనే నందమూరి ఫ్యామిలీలో ఆందోళన మొదలైంది.



అటు ఉప రాష్ట్రపతి వెంకయ్యనాయుడు సైతం కరోనా బారిన పడిన విషయం తెలిసిందే. ఇప్పటికే పలువురు బీజేపీ సీనియర్లు కరోనా పాజిటివ్ అని తేలింది. తాాాజాగా బీజేపీ సీనియర్ నేత ఉమా భారతి కూడా కరోనా బారిన పడిన విషయం తెలిసిందే. ఆమె కూడా ప్రస్తుతం ఏయిమ్స్‌లో చేరి చికిత్స పొందుతున్నారు. మరోవైపు భారత్‌లో ఇండియాలో కొత్తగా 80,472 కేసులు నమోదయ్యాయి. దీంతో ఇండియాలో ఇప్పటి వరకు నమోదైన మొత్తం కరోనా కేసుల సంఖ్య 62,25,764కి చేరింది.