Breaking News

ఈ నెల 12, 13 తేదీల్లో రెండు రోజుల పాటు తెలంగాణ అసెంబ్లీ స‌మావేశాల నిర్వహ‌ణ‌



 తెలంగాణ అసెంబ్లీ సమావేశాలను ఈ నెలలో ప్రభుత్వం రెండు రోజుల పాటు నిర్వహించే అవకాశం ఉంది. ఈ మేరకు తెలంగాణ ముఖ్యమంత్రి కార్యాలయం ట్విటర్‌లో తెలిపింది. ఈ నెల 12, 13వ తేదీల్లో అసెంబ్లీ స‌మావేశాల‌ను నిర్వహించాలని తెలంగాణ ప్రభుత్వం యోచిస్తున్నట్లు పేర్కొంది. జీహెచ్ఎంసీ చ‌ట్టాల్లో స‌వ‌ర‌ణ‌లు సహా తెలంగాణ హైకోర్టు సూచించిన పలు అంశాల్లో చ‌ట్ట స‌వ‌ర‌ణ‌ల కోసం అసెంబ్లీని స‌మావేశ ప‌ర్చాల‌ని ప్రభుత్వం భావిస్తున్నట్లు సీఎంఓ వివరించింది.


ఈ నెల 12, 13 తేదీల్లో రెండు రోజుల పాటు అసెంబ్లీ స‌మావేశాల నిర్వహ‌ణ‌కు సంబంధించి శుక్రవారం తుది నిర్ణయం తీసుకునే అవ‌కాశం ఉంది. ఇటీవ‌ల నిర్వహించిన అసెంబ్లీ వ‌ర్షాకాల స‌మావేశాల్లో కొత్త రెవెన్యూ చ‌ట్టంతో పాటు ప‌లు కీల‌క‌మైన బిల్లుల‌కు అసెంబ్లీ ఆమోదం తెలిపిన సంగతి తెలిసిందే.