Breaking News

పాఠశాలలు మూసివేయడంతో భారత్ లో 400 బిలియన్ డాలర్ల నష్టం



కరనో వైరస్‌ మహమ్మారి కారణంగా పాఠశాలలు మూసివేయడంతో భారతదేశం 400 బిలియన్ డాలర్లకు (29 లక్షల కోట్లు) పైగా ఆదాయం కోల్పోయింది. అదే దక్షిణాసియా ప్రాంతంలో ప్రస్తుత పరిస్థితిలో 662 నుంచి 880 బిలియన్‌ డాలర్ల నష్టాన్ని చవిచూశాయి. ప్రాంతీయ నష్టం ఎక్కువ భారత్‌కే ఉన్నది. అన్ని దేశాలు గణనీయమైన జీడీపీ వాటాలను కోల్పోయినట్లు ప్రపంచ బ్యాంకు తాజా నివేదిక వెల్లడించింది.    "బీటెన్ ఆర్‌ బ్రోకెన్?" పేరుతో విడుదలైన వరల్డ్‌ బ్యాంకు నివేదిక ప్రకారం.. ఈ ప్రాంతం యొక్క ఆర్ధికవ్యవస్థలపై కొవిడ్‌-19 వినాశకరమైన ప్రభావాలు ఆలస్యమవుతున్నందున 2020 లో దక్షిణాసియా తన అత్యంత ఘోరమైన మాంద్యంలోకి పడిపోతుంది. అన్ని దక్షిణాసియా దేశాలలో తాత్కాలిక పాఠశాల మూసివేతలు విద్యార్థులకు పెద్ద చిక్కులను కలిగిస్తున్నాయి. 391 మిలియన్ల మంది విద్యార్థులను ప్రాథమిక, మాధ్యమిక విద్యలో పాఠశాల నుంచి దూరంగా ఉంచడం అభ్యాస సంక్షోభాన్ని పరిష్కరించే ప్రయత్నాలను మరింత క్లిష్టతరం చేస్తుంది. పాఠశాల మూసివేతల ప్రభావాన్ని తగ్గించడానికి చాలా ప్రభుత్వాలు అపారమైన ప్రయత్నాలు చేసినప్పటికీ, రిమోట్ లెర్నింగ్ ప్రోత్సాహకాల ద్వారా పిల్లలను నిమగ్నం చేయడం చాలా కష్టమైన పనిగా నిలిచింది.    కొవిడ్‌ మహమ్మారి 5.5 మిలియన్ల మంది విద్యార్థులు విద్యావ్యవస్థ నుంచి తప్పుకోవటానికి, గణనీయమైన అభ్యాస నష్టాలకు కారణమవుతుంది. ఇది ఒక తరం విద్యార్థుల ఉత్పాదకతపై జీవితకాల ప్రభావాన్ని చూపుతుంది. చాలా పాఠశాలలు మార్చిలో మూసివేయబడ్డాయి. కొన్ని మినహాయింపులతో తిరిగి తెరవడం మొదలయ్యాయి. పిల్లలు దాదాపు 5 నెలలుగా స్కూళ్లకు దూరంగా ఉన్నారు. ఎక్కువ కాలం పాఠశాలకు రాకుండా ఉండటం వలన పిల్లలు కొత్త విషయాలను నేర్చుకోవడమే కాదు, నేర్చుకున్న వాటిలో కొన్నింటిని కూడా మరచిపోతారు.    ప్రపంచ బ్యాంకు ప్రవేశపెట్టిన 'లెర్నింగ్ అడ్జస్ట్డ్ ఇయర్ ఆఫ్ స్కూలింగ్' (లేస్) కాన్సెప్ట్.. యాక్సెస్, లెర్నింగ్ ఫలితాలను ఒకే కొలతగా మిళితం చేయడానికి ప్రయత్నిస్తున్నది. హౌస్‌హోల్డ్‌ కార్మికుల ఆదాయాలపై దేశ డేటా ఆధారంగా, దక్షిణాసియాలో సగటు పిల్లవాడు కార్మికుడిగా ఒకసారి మార్కెట్‌లోకి ప్రవేశించిన తర్వాత తన జీవితకాల ఆదాయంలో 4,400 డాలర్లు కోల్పోవచ్చు. ఇది మొత్తం ఆదాయంలో 5 శాతానికి సమానం. ఈ అంచనాలు సంక్షోభం వల్ల తగ్గిన అభ్యాస స్థాయిని ఉపయోగించి, పాఠశాల విద్యకు తిరిగి రావడం గురించి మనకు ప్రస్తుతం తెలిసిన వాటిపై ఆధారపడి ఉన్నాయి. దక్షిణాసియాలోని పిల్లలందరికీ ఈ సంఖ్యలను సంక్షిప్తీకరిస్తే, ఈ ప్రాంతం పాఠశాల మూసివేతల నుంచి దాదాపు 622 నుంచి 880 బిలియన్ డాలర్ల వరకు కోల్పోయినట్లు తేలనున్నది.