Breaking News

పవర్ స్టార్ పవన్ కళ్యాణ్ కు కేంద్ర ప్రభుత్వం జడ్ కేటగిరీ భద్రత


జనసేన పార్టీ అధినేత, క్రేజ్ ఉన్న సినీ నటుడు పవర్ స్టార్ పవన్ కళ్యాణ్ కు కేంద్ర ప్రభుత్వం జడ్ కేటగిరీ భద్రతను కల్పించిందని పెద్ద ఎత్తున ప్రచారం జరిగింది. ఈ మేరకు కేంద్రం ఆదేశాలు కూడా జారీ చేసినట్లుగా తెలంగాణ ఆంధ్రప్రదేశ్ రాష్ట్రాలతో పాటుగా పవన్ కళ్యాణ్ పర్యటించిన ఇతర ప్రాంతాల్లో కూడా ఆయనకు జడ్ కేటగిరీ భద్రతను కల్పించనున్నట్టుగా సోషల్ మీడియాలో ప్రచారం హల్ చల్ చేసింది.

పవన్ కళ్యాణ్ కు కేంద్ర ప్రభుత్వం జెడ్ కేటగిరి భద్రత కల్పిస్తుందన్న వార్తలపై సోషల్ మీడియాలో కూడా భిన్న స్వరాలు వినిపించాయి. అయితే ఈ వార్తలపై జనసేన స్పష్టతనిచ్చింది .
కొంతమంది పవన్ కళ్యాణ్ కు అనుకూలంగా పవన్ కళ్యాణ్ పై కొన్ని ఆంటీ సోషల్ ఎలిమెంట్స్ అటాక్ చేసే అవకాశాలున్నాయని కేంద్ర ప్రభుత్వానికి ఇంటెలిజెన్స్ వర్గాల ఇచ్చిన సమాచారం మేరకు ఈ నిర్ణయం తీసుకున్నట్లుగా హర్షం వ్యక్తం చేస్తుండగా, మరికొందరు జనసేనాని ,బీజేపీతో కలిసినందుకే జెడ్ కేటగిరీ సెక్యూరిటీ నా అంటూ విమర్శల వర్షం కురిపిస్తున్నారు. అసలు ఏ అర్హతతో పవన్ కళ్యాణ్ కు జెడ్ కేటగిరీ సెక్యూరిటీ కల్పిస్తారంటూ ప్రశ్నల వర్షం కురిపిస్తున్నారు. ఎమ్మెల్యేగా కూడా పవన్ కళ్యాణ్ గెలవలేదని, అలాంటి వ్యక్తి కి జెడ్ కేటగిరీ సెక్యూరిటీనా అంటూ ఎద్దేవా చేస్తున్నారు.