Breaking News

మిమ్మల్ని మీరు టచ్ చేసుకోడానికి ఎలాంటి అభ్యంతరాలు


 ఇతరులను.. వారి అనుమతి లేకుండా టచ్ చేయడం ఎంత తప్పో తెలిసిందే. కానీ, మిమ్మల్ని మీరు టచ్ చేసుకోడానికి ఎలాంటి అభ్యంతరాలు ఉండవు. అది మీ శరీరమే కాబట్టి.. సర్వ హక్కులు మీకే సొంతం. అయితే, అది మీ శరీరమే కదా అని ఎక్కడ పడితే అక్కడ టచ్ చేయకండి. అది మీకే ముప్పు. అదేంటీ? ఇది నా శరీరమే కదా ఎందుకు టచ్ చేయకూడదనేగా మీ సందేహం? అయితే, మీరు తప్పకుండా వైద్యులు చెప్పిన ఈ సూత్రాలను తప్పకుండా పాటించాలి. ఎందుకంటే.. శరీరం మీ సొంతమే కావచ్చు. కానీ, వాటిలో కొన్ని భాగాలను మనం చేతులతో అస్సలు ట్ చేయకూడదు. అలా చేస్తే మీ ఆరోగ్యానికే చేటు. మరి, మీ శరీరంలో మీరు టచ్ చేయకూడని భాగాలేమిటో చూసేద్దామా! ముఖం ఈ అలవాటు చాలామందిలో ఉంటుంది.


చిటీకి మాటికి ముఖం మీద చేతులు పెట్టుకుంటారు. మొటిమలతో బాధపడేవారైతే పదే పదే తమ ముఖాన్ని తాకుతుంటారు. అలా చేయడం చాలా ప్రమాదకరం. ఎందుకంటే..


శరీరంలో అత్యధిక క్రిములు మీ చేతుల్లోనే ఉంటాయి. అలాంటి చేతులతో ముఖాన్ని ముట్టుకుంటే అవి శరీరంలోకి చేరతాయి. ముఖాన్ని కడగడానికి ముందు మీరు తప్పకుండా చేతులను శుభ్రం చేసుకోవాలి. కళ్లు చాలామంది కళ్లను పదే పదే నలుపుతుంటారు.


ఇది కూడా చాలా ప్రమాకరం. మీకు కళ్లు దురదలు పెడుతుంటే తప్పకుండా వైద్యులను సంప్రదించండి. వైద్యులు 'ఐ డ్రాప్స్' సూచిస్తే.. వాటిని కళ్లల్లో వేసుకుంటే దురద నుంచి ఉపశమనం లభిస్తుంది.


చేతులు ఉన్నాయి కదా అని రోజంతా కళ్లను తాకొద్దు. ఎందుకంటే.. శరీరంలో అత్యంత సున్నితమైనవి కళ్లే. వాటిని ఎంతో జాగ్రత్తగా కాపాడుకోవాలి.


అత్యధిక కంటి ఇన్ఫెక్షన్లన్నీ చేతులతో కళ్లను తాకడం వల్లే ఏర్పడతాయి. గోళ్ల కింద చర్మం చాలామందికి గోళ్ల కింద మట్టి పేరుకుపోయి ఉంటుంది. కాబట్టి.. వారు ఎప్పటికప్పుడు గోళ్లను శుభ్రం చేసుకోవాలి.


మట్టి గోళ్లలోకి వెళ్లకుండా ఉండాలంటే దగ్గరకు కత్తిరించుకోవాలి. అంతేగాక, మీ చేతులను ఎప్పుడు గోళ్ల వెనుక చర్మాన్ని తాకనివ్వకూడదు. ఎందుకంటే.. అక్కడ కొన్ని రకాల ఫంగస్‌లు ఉంటాయి.


అందుకే.. చేతులను ఎప్పటికప్పుడు శుభ్రంగా ఉంచుకోవాలి. నోరు పిల్లలు పదే పదే నోట్లో చేతులు పెడుతుంటారు. ఇది చాలా చెడు అలవాటు.


ఎందుకంటే.. చేతిలో ఎన్నో రకాల బ్యాక్టరీయాలు ఉంటాయి. వాటిని నోటిలో పెట్టుకుంటే.. అవి శరీరంలోకి చేరతాయి.


వైరస్‌లు రాజ్యమేలుతున్న ఈ సమయంలో చేతులను పరిశుభ్రంగా ఉంచుకోవడం మరింత అవసరం. లేకుంటే బ్యాక్టీరియాలు, వైరస్‌లు చేతుల ద్వారా నేరుగా నోట్లోకి వెళ్లిపోతాయి. చెవిలో ఈ అలవాటు చాలామందికి ఉంటుంది. కాస్త టైం దొరికితే చాలు..


చూపుడు వేలుగా నేరుగా చెవిలోకి వెళ్లిపోతుంది. అలా చేసుకోవడం హాయిగానే అనిపించవచ్చు. కానీ, అది చాలా చాలా డేంజర్. ఎందుకంటే చెవి లోపల ఉండే చర్మం చాలా సున్నితంగా ఉంటుంది.


మీరు చేతులు పెట్టినప్పుడు చర్మం దెబ్బతినొచ్చు. అంతేగాక మన చేతికి ఉండే బ్యాక్టీరియా చెవిలోకి వెళ్లి కొత్త సమస్యలను సృష్టించవచ్చు. అలాగే, చెవిలో పెట్టుకున్న చేతులను శుభ్రం చేసుకోకపోతే.. అక్కడ ఉండే బ్యాక్టీరియా మీ శరీరంలోకి ప్రవేశించవచ్చు.


పిరుదులు మీ పిరుదులు కూడా సున్నితమైన భాగాలే. అంతేగాక అక్కడ బోలెడన్ని బ్యాక్టీరియాలు తిష్ట వేస్తాయి. మీరు అక్కడ టచ్ చేస్తే.. అవి మీ చేతుల ద్వారా మిగతా శరీర భాగాలకు పాకుతాయి.


పైగా అక్కడ ఉండే బ్యాక్టీరియాలు చాలా ప్రమాదకరమైనవి. కాబట్టి.. మీరెప్పుడైనా మీ పిరుదులను తాకినట్లయితే తప్పకుండా చేతులు కడుక్కోవాలి. అలాగే..


ఇతరుల పిరుదలను తాకినా సరే ఈ నియమం పాటించాలి. ముక్కు అత్యంత జుగుప్సాకర అలవాటు ఏదైనా ఉందంటే.. అది ఇదే. ముక్కులో వేలు పెట్టుకోవడమనేది చాలా చాలా చెడు అలవాటు.


కొంతమంది పదే పదే ముక్కులో వేలు పెట్టుకుంటారు. కనీసం చేతులు కూడా శుభ్రం చేసుకోకుండా ఆహారాన్ని ముట్టుకుంటారు. ఇతరులకు షేక్ హ్యాండ్ ఇస్తారు. అయితే, ఈ చెడు అలవాటు వల్ల ప్రమాదకర బ్యాక్టీరియా, వైరస్‌లు ముక్కు ద్వారా శరీరంలోకి చేరతాయి.