Breaking News

బాలిక ఆడుకుంటూ ప్రమాదవశాత్తూ పాత బోరుబావిలో


 మూడేళ్ల బాలిక ఆడుకుంటూ ప్రమాదవశాత్తూ పాత బోరుబావిలో పడిన ఘటన మధ్యప్రదేశ్ రాష్ట్రంలో వెలుగుచూసింది. పృథ్వీపూర్ ప్రాంతంలోని సేతుపురబారా గ్రామంలో మూడేళ్ల బాలిక ఆడుకుంటూ ప్రమాదవశాత్తూ తెరచి ఉన్న పాత బోరుబావిలో పడిందని అదనపు పోలీసు సూపరింటెండెంట్ ప్రతిభా త్రిపాఠి తెలిపారు. సంఘటన స్థలానికి సైన్యం చేరుకుందని, బాలికను బయటకు తీసేందుకు సహాయ చర్యలు ప్రారంభించామని ఏఎస్పీ చెప్పారు. బోరుబావిలో పడిన బాలికను అధికారులు సురక్షితంగా బయటకు తీస్తారని మధ్యప్రదేశ్ రాష్ట్ర ముఖ్యమంత్రి శివరాజ్ సింగ్ చౌహాన్ విశ్వాసం వ్యక్తం చేశారు. సైనికులు బోరుబావి వద్ద సమాంతరంగా గుంత తవ్వి బాలికను తీసేందుకు యత్నిస్తున్నారు.

బోరుబావి వద్ద సహాయపనులు చూసేందుకు ప్రజలు పెద్దసంఖ్యలో తరలివచ్చారు. బాలిక కుటుంబసభ్యులు కన్నీరుమున్నీరుగా రోదిస్తున్నారు.