Breaking News

విటమిన్ డి లోపం...


 కరోనా వైరస్ టైమ్‌లో విటమిన్ డి గురించి అందరి చర్చిస్తున్నారు. దీంతో ప్రజలు ఇంట్లో ఉంటున్నారు. ఇలా ఉండటం వల్ల సహజ సూర్యకాంతి నుండి 'డి విటమిన్' పొందలేకపోతున్నారు. సాధారణ జనాభాలో విటమిన్ డి లోపం బాగా పెరిగిపోవడం, పెరుగుతున్న కరోనా కేసులు గురించి ఆరోగ్య నిపుణులు ఆందోళన వ్యక్తం చేస్తున్నారు. విటమిన్ డి తో శరీరంలో శక్తి వచ్చి అనేక శారీరక పనులు చేయడానికి సాయపడుతుంది. విటమిన్ డి లోపం వల్ల బలహీనమైన ఎముకలు బలహీనమవ్వడం, గుండె సంబంధిత వ్యాధులు, రోగనిరోధక శక్తి తగ్గిపోవడం, శ్వాసకోశ సమస్యలకు దారితీస్తుంది. ఒక ప్రముఖ జర్నల్‌లో ప్రచురించబడిన అధ్యయనంలో, స్పెయిన్‌లో ఆస్పత్రిలో చేరిన 216 కోవిడ్ రోగులలో 80 శాతం మందిలో విటమిన్ డి లోపం ఉన్నట్లు తేలింది.

మహిళల కంటే పురుషుల్లో విటమిన్ డి స్థాయి తక్కువగా ఉందని పరిశోధకులు గమనించారు. "విటమిన్ డి లోపం ఉన్న కోవిడ్ రోగులకు రక్తపోటు, హృదయ సంబంధ వ్యాధులు ఎక్కువగా ఉన్నాయి, సీరమ్ ఫెర్రిటిన్, ట్రోపోనిన్ స్థాయిలను పెంచింది. అలాగే విటమిన్ డి లోపం ఉన్న రోగులు ఎక్కువకాలం ఆస్పత్రిలో ఉండాల్సి వచ్చింది. విటమిన్ డి కాన్సన్ట్రేషన్స్, విటమిన్ లోపం, వ్యాధి యొక్క తీవ్రత మధ్య సంబంధాన్ని మేము ఇంకా కనుక్కోలేదు" అని ప్రముఖ యూనివర్శిటీ రచయిత చెప్పారు.

ప్రముఖ జర్నల్‌లో ప్రచురించబడిన మరో తాజా అధ్యయనం, విటమిన్ డి సమృద్ధిగా ఉండటం వల్ల కోవిడ్ రోగులలో ఆక్సిజన్ అవసరాన్ని తగ్గిస్తుందని, చికిత్సా సమయాన్ని తగ్గిస్తుందని తేలింది. సూర్యరశ్మి ద్వారా సహజంగా విటమిన్ డి పొందటం కాకుండా, విటమిన్ డి అధికంగా ఉండే ఆహారాలు తీసుకోవడం వల్ల కూడా మన శరీరానికి విటమిన్ డి లభిస్తుంది. విటమిన్ డి ఎక్కువగా ఉండే ఆహార పదార్థాలు: ఫ్యాటీ ఫిష్: ట్యూనా, సాల్మన్, మరియు మాకేరెల్ మరియు ఫిష్ లివర్ ఆయిల్స్ వంటి ఫాటీ ఫిష్ లలో విటమిన్ డి ఎక్కువగా ఉంటుంది. పాల ఉత్పత్తులు: మన శరీరానికి కావలిసిన విటమిన్ డి సమృద్ధిగా లభించడానికి పాలు, జున్ను మరియు ఇతర పాల ఉత్పత్తులను రోజువారీ ఆహారంలో చేర్చాలి.

గుడ్లు, పసువు సొనలు: కొవ్వు ఎక్కువగా ఉంటుందనే భయంతో చాలా మంది గుడ్ల నుండి పసుపు సొనలు వేరు చేస్తారు. పసుపు సొనలలో ఎక్కువ స్థాయిలో విటమిన్ డి ఉంటుంది. గుడ్డును ఉడకబెట్టి తింటేనే విటమిన్ డి లభిస్తుంది. తృణధాన్యాలు, రసాలు: ఉదయం బ్రేక్ ఫాస్ట్ లో తృణధాన్యాలు మరియు వివిధ పండ్ల రసాలను తీసుకుంటే విటమిన్ డి సమృద్ధిగా లభిస్తుంది.

పుట్టగొడుగులు: పుట్టగొడుగుల్లో విటమిన్ డి అధికంగా ఉంటుంది. పుట్టగొడుగులను అల్పాహారం, భోజనం మరియు స్నాక్స్ లో గాని తీసుకోవాలి. విటమిన్ డి యొక్క ఆరోగ్య ప్రయోజనాలు: విటమిన్ డి డిసీజ్ లతో పోరాడుతుంది విటమిన్ డి వల్ల మన శరీరానికి చాలా ప్రయోజనాలు ఉంటాయి. వాటితో పాటు మరికొన్ని ప్రయోజనాలు ఉన్నాయని అధ్యయనాల్లో తేలింది. 2006 జరిపిన అధ్యయనం ప్రకారం, విటమిన్ డి మల్టిపుల్ స్క్లెరోసిస్ వచ్చే ప్రమాదాన్ని తగ్గిస్తుంది 2008 జరిపిన మరో అధ్యయనం ప్రకారం, విటమిన్ డి సమృద్ధిగా ఉండటం వల్ల గుండె జబ్బులు వచ్చే అవకాశం తగ్గుతుంది 2010 జరిపిన ఇంకో అధ్యయనం ప్రకారం, విటమిన్ డి తగినంత ఉండటం వల్ల సాధారణంగా వచ్చే ఫ్లూ లు వచ్చే అవకాశాలు తక్కువ. బరువు తగ్గడానికి విటమిన్ డి సహాయపడుతుంది మీరు బరువు తగ్గడానికి ప్రయత్నిస్తుంటే విటమిన్ డి ఉన్న ఆహారాన్ని తీసుకోవడం లేదా డాక్టర్ సలహాతో విటమిన్ డి సప్లిమెంట్లను తీసుకుంటే బరువు ఈజీగా తగ్గుతారు. ఎందుకంటే విటమిన్ డి ఆకలిని తగ్గిస్తుంది తద్వారా అదనపు ఆహారం తీసుకోకుండా చేస్తుంది.